monumenta.ch > Plinius > sectio 71
Word Selection for Searching
Report an Error in this Sectio
Plinius, Naturalis Historia, 16, 71
{XXVIII} buxus Pyrenaeis ac Cytoriis montibus plurima et Berecyntio tractu, crassissima in Corsica, flore non spernendo, quae causa amaritudinis mellis. semen cunctis animantibus invisum. nec in Olympo Macedoniae gracilior, sed brevis. amat frigida, aprica. in igni quoque duritia quae ferro, nec flamma nec carbone utili.